LYRIC

BUMANGONCA O KABATAAN

Timec ti Apo denggentayo
Umaw-awag cacabsatco
Sumurottay nga’d kencuana
Ken tungpalentay ti bilbilinna

Pastrekem ni Jesus a Mannubbot
Ta naayat, naasi a Dios
Agtuloycay nga’d kencuana
Tapno maragpatmo ti gloria

Coro:
Kabataan agmurmuraycan
Sica’t silaw masacbayan
Agbalinca a pagwadan
Bumangonca O kabataan

Pabilgem dayta pammatim
Inca ken Jesus ken pakibin
Parayrayem ti panagservim
Problema kencuana inca itaclin

Baybay-amon pannacaupay
Asi ti Dios adu ken naruay
Dica maupay, dica agsanud
Agtuloyca kenni Jesus

Bumilegca O kabataan
Itag-aymo ti masacbayan
Tumibkerca, makidangadang
Pannuboc, pammati cabaelan

Added by

Administrator

SHARE

Your email address will not be published. Required fields are marked *

ADVERTISEMENT