LYRIC

CAYATCO A MAKITA

Iti panagnac ditoy daga a mapan
Agtrabaho ti cauvasan ti Apo ti gloria
Adu unay mangsulbog puso ken ricna
Ngem ti Dios nga Apo supapacanna

Coro:
Cayatco a makita ti rupa ni Jesus
Iccantac graciana iti agnanayon
Diay calsada’t gloria innac to icanta
Awanen ladingit bin-ig a ragsac

Uray ania ti sagabaec a rigat
No agtalecac iti Apo dinacton bay-an
Uray pay ni Satanas sulisugennac
Ngem ti Dios iccannac ballaigi ti biag

No addaac diay tay-ac a makigubat
Adda ni Jesus caniac ket isu’t caduac
Manginanamaac unay agballaigiac
Ta ti Apo ti caduac a makigubat

Uray allon ti patay ket nebnebennac
Ti barkoc nga aglayag ti taaw ti biag
Ni Jesus pagtalnaenna ti allon ti baybay
Pagammuan dumtengac diay gloria ni Amac

Added by

Administrator

SHARE

Your email address will not be published. Required fields are marked *

ADVERTISEMENT