LYRIC

DARASEM, DARASEM

Darasem, darasem O Diosco ti mangsaranay ita caniac
Itan adda a sisasango ti ngiwat ti leon ti sibayco
Saanac a baybay-an O Diosco ken Espiritu Santo
A camang tumunggal maysa nga ovejasmo

Darasem coma ti bumayabay cadacami
Tapno iti casta maispalcami
Iti daytoy a pagpeggadan dagiti laslasagmi
Diosco, Diosco saranayennacami

Saranayennacami O Diosco gapu’t sipnget daytoy a law-ang
Itedmo cadi O Diosco ti wayawaya ti lasagmi
Tapno iti casta ti wagayway nga isu’t intuyangmo
Nga isu ti Union Espiritismo Cristiano

Ket isunto ti incam maituloy ti missionmi
Iti daytoy a pagnaeddanmi
O Dios Apo saanacami nga ibelleng ken baybay-an
Diosco, Diosco, saranayennacami

Addaca coma iti sibaymi tapno iti casta maispalcami
Saranayennacami Apo ti pagpeggadan ti ovejasmo
Italliawmo cadin O Apo ta nasantoan a caasim
Yamanen O Diosco no isu’t ipaaymo

Yamanen Diosco no daytoy a pagpeggadanmi
Isu’t incam maisalacan gapu’t pannacabalinmo
Agyamancami O Diosco
Diosco, Diosco, saranayennacami

Added by

Administrator

SHARE

Your email address will not be published. Required fields are marked *

ADVERTISEMENT