LYRIC

DAYAW KENCUANA

Naminsan nayaw-awanac iti dalan ni damsac
Ngem ti Mannubbot binirbirucnac
Iti kinalintegna adda ditoy cararuac
Isu nga agbibiagac a siraragsac

Coro:
O dayaw kencuana inisapalnac ti darana
Ket ayatec napateg a naganna
Ket toy pusoc naragsac napno’t talna agliplipias
Isu nga agbibiagac a siraragsac

Kinabacnang ditoy lubong isu’t apagcanito
Ngem toy cararuac isu’t agnanyon
Di matucod kinalintegna ket awan macapada
Nacatayan ni Jesus a Namarsua

Adu’t nainlubongan a pagragragsacan
Ngem awan essem caniac cadagitan
Panagservi ken Jesus isu’t pagragragsacan
Manipud idi innac nasaracan

Daytoyto a pagianan balitocda’t daldalan
Nadaeg, napintas a pagtaengan
Puros balitoc balbalayda ken ti met lansangan
Purosda amin amin a nasantoan

Added by

Administrator

SHARE

Your email address will not be published. Required fields are marked *

ADVERTISEMENT