LYRIC

DISIERTO

Disieto nga nalawa
Nakitac a magmagna
Camelio nga ingget bannogna
Gapu’t bisin a nagpaiduma

Babai a nacasacay
Ken lalaki nga mangab-abay
Rupada’t nacaladawan
Tuoc, rigat napalaluan

Coro1:
Da Jose ken Virgen Maria
Agbirbiruc pagdagusanda
Ta cayatdan ti aginana
Gapu’t bannog a nagpaiduma

Ti sicog bin-i metten
Ni Virhen Maria a napateg
Isu’t Mannubbot iti disierto
Basbasol ti amin a tao

Simmangbayda diay Belen
Ni Jose nagdaydayawen
Tapno inda pasangbayen
Ti naingungot a nagpasngayen

Coro2:
Canunummoan a coral
Ti naited a pagdagusan
Ken culloong ti nagpasngayan
Ni Virhen Maria a capapatgan

Ti keltaang ti rabii
Naipasngay napateg nga Ari
Nino Jesus mangisalacan
Basbasol sangalubungan

Bituen nga ingget raniagna
Timpuar limgac ingget baggac
Tallo nga Ari sinursurotda
Ken Nino Jesus inda agrucbab

Coro3:
Awitda dagiti sagut
Ken Nino Jesus a Mannubbot
Sipapacumbaba inda agrucbab
Da Melchor, Gaspar, ken Baltazar

Nagcanta dagiti angel
Amin a parsua ket nagtamed
Ti Verbo ken naipasngayen
Ni Messias a daydayawen

Added by

Administrator

SHARE

Your email address will not be published. Required fields are marked *

ADVERTISEMENT