EVANGELIO 3

Evangelio ti intay pagsursuroan
Isu’t puon a pacababalawan
Ta piman pasaray mapanawan
Ti inna cacabsat ken pamilyam

Evengelio ti innac iwanwan
Cacabsat nga innac nadanonan
Ta annac na met ida a piman
Iti Dios nga adda idiay cangatoan

Cacabsat aganustay iti rigat
Panagbuteng, panagbisin, panagpuyat
Tapno intay coma maragpat
Ti gloria nga inyawis ti Dios annac

Ni Apo Jesus kinunana nga imbaga
Siac ti silaw cadacay nga manglawag
Ti sumurot a magna caniac
Addanto kencuana silaw ti biag

Daytoy nga’d ti intay mapasaran
Linac-am dagiti adalan
Isu met ti intay malac-aman
Gapu ti pananginanamaan

Sapay coma agtaeng ta isipyo
Sursuro daytoy nga evangelio
Evangelio ni Apo Jesu-Cristo
Nga innac idanon cadacayo

No Biblia ti intay pagsasaritaan
Isu met ti intay pagsursuroan
Isu pay ti mangidaton
Mangiturong ti pacaisalacanan

Nagasat ti nadalus ti puspusona
Ta agbalin nga annac ti Dios Ama
Ket aglac-amto ti cayo ti biag
Ket sumrec diay nasantoan a ciudad

Added by