LYRIC

MALADAGA

Bituen bulan a pagpatpatawan
Dagiti maladaga a maiwayang
Ti balangatda isu’t bituen
Iti bandada bullalayaw

Idi ken Noe nacalac-amda’t asi
Dagiti walo a naicari
Iti palmada isu’t nasudi
Adda ti hardin a napili

Iti hardin terrestrial a cunana
Isu’t ayan dagiti maladaga
A nacaay-ayo ti bosesda
Ipucpuccawda ti Namarsua

Iti ulep ti ayanda
Nasayaat ti panagcancantada
Iti oras ti ala-una
Liwliwaenda’t Apo ti gloria

Daytoy ti ayan ti lawag ti Espiritu
A namarnuayan ti Espiritusmo
Bin-ig a tinaudan dagiti tao
Nga umammo ti sirib ti Apo

Ngem ditoy a lugar awanen
Dagiti astral a macarumen
Ta ti astral cucua ti idaga
Ket ti bungana isu’t burasenna

Added by

Administrator

SHARE

Your email address will not be published. Required fields are marked *

ADVERTISEMENT