LYRIC

NAGASAT DAYTOY NGA ALDAW/RABII

Nagasat daytoy nga aldaw/rabii ita
A panagdayaw iti Ama (2x)
Ta ti Dios Apo impaayna (2x)
Ti ragsactay a sangapada (2x)

Idaydayawtayo a di agsarday
Ti Dios Ama a nailangitan (2x)
Kencuana intay agyaman (2x)
Ta intedna’t rambactay a naananay (2x)

Natan-oc nga Espiritu Santo
Silawca a naslag dagiti tattao
Silawam dagiti puspusomi O Apo
Tapno saancam coma kenca mayadayo

Parayrayem man toy ayatmi kenca
Ta sica ti nadungngo nga Ama, Ama’t gloria
Ti pammatimi pabilgem O Ama
Tapno dayta gloriam maragpatmi coma

O Ama a catan-ocan (2x)
Dacami man ti bendicionnam (2x)
Ipaaymo man ta graciam, dayta graciam
Cadacami nga annacmo nga umar-araraw, ar-araraw

Jesusmi a casam-itan (2x)
Cadagiit puspuso mi sica ti umay
Dacami man ti silawam (2x)
Tapno ti dalanmo dicam coma maiyaw-awan (2x)

Agnanayon coma nga iturongnacami
Iti naespirituan a panagbiagmi
Tapno dacam coma ti maicari
Nga agdaydayaw kenca O Dios ken Amami

Added by

Administrator

SHARE

Your email address will not be published. Required fields are marked *

ADVERTISEMENT