LYRIC

PANAGDAWAT TI TUDO 2

Agparangcami O Amami
Ta sica ti namnama
A mangted ti paraburna
Cadagitoy mulmulami

Denggem cadi O Amami
O Dios a manangngaasi
Saranayennacami
Cadagitoy a dawatmi

Coro:
Tudom Ama ti dawatenmi
Nga ibuyatmo O Amami
Cadagitoy mulmulami
Tapno adda taraonmi

Matam Ama ti italliawmo
Cadacami nga annacmo
Ta lac-amenmi cad ta ayatmo
Tudom Ama a manaripato

Ta agsangsangit toy pusomi
Cadagitoy a lac-amenmi
Punasem toy luluami
Iccannacam ti taraonmi

Added by

Administrator

SHARE

Your email address will not be published. Required fields are marked *

ADVERTISEMENT