LYRIC

PANANGTARIPATO TI SIRIB TI APO

Iti aldaw agsabsabong Ama
Iti rabii agbungbunga
Iti oras ap-apitenna
Cadagiti luglugar a nacaitukitanna

Dagiti nasantoan ti pagnaedanyo
Ta naruay ti datdatlag ti Apo
Nga ipasirmata iti tao
Ket pardasanyo ti umammo

Coro:
Magmagna ti siribna
Cadagiti annac nga idaga
Nagasat ti macaala
Ta liwliwa ken ragsac ti lac-amenna

Naulimec a tiempo
Ti panagparangcap ti Espiritu
Ta liwliwaenna amin a disso
A pagnaedan dagiit annac ti Apo

Sica’t gracia nga ipaw-it ni Jehova
Cadagiti magmagna nga ovejasna
Tapno inda ipasirmata
Ti palimed ti Dios a Namarsua

Dagiti rangcap taripatoenyo
Nga ipaay ti Dios Apo
Ta isu dayta ti liwliwayo
No dumteng ti oras cadacayo

Added by

Administrator

SHARE

Your email address will not be published. Required fields are marked *

ADVERTISEMENT