LYRIC

SACSAKITEN

Sacsakiten Jesus daytoy pusoc
Gapu’t babac nga naaramidco
Dawatec dayta pammacawanmo
Cadagiti nadumaduma a basbasolco

Itdem caniac dayta badangmo
Nga agtungpal iti bilbilinmo
Ta sicsica laeng ti dalanco
Nga agturong iti pagarian ti Dios Apo

Coro:
Dita saclangmo iti pagrucbabac
Jesus kenca agdaydayawac
Iburaymo dayta asim caniac
Tapno agbiag coma toy nanumo a cararuac

Ditoy pusoc Diosco sumrecca
Sica’t bang-ar taraon toy cararua
Diosco a naayat ken napacumbaba
A Mannubbot cadagiti amin a parsua

Daytoy pusoc icutam O Diosco
Aginggana’t magsat toy angesco
Ket awatennac man a nadungngo
Ta dita pagarian ti pagtaengacto

Added by

Administrator

SHARE

Your email address will not be published. Required fields are marked *

ADVERTISEMENT