LYRIC

TI DALAN TI BIAG

Ti dalan ti biag nga innac nasarac
Nailet unay ket bassit ti mayat
Ta maigawidda ti ragragsac
Daytoy lubong a mangilunod toy biag

Nalawa’t dalan nga agturong ken patay
Ket naruay dagiti agturong a mapan
Iyawisda ti dalan ti biag ngem madida
Ta dida met maiddian ti basolda

Coro:
Surutentay ti dalan (2x)
A nailet unay nga agturong ti biag
Surutentay ti dalan
Nga aginggana’t panungpalan

Sumurotda met kencuana’t dadduma
Ngem madida met agtulnog ti Ama
Ti kinalinteg dida met magna
Ta ti basbasol ket gargarienna ida

Adu met makitkitac a sumurot
Ngem panungpalan inda met agsanud
Ta dida maibturan ti sulisog
Ta dida met agtalec ken Jesus

Ket no umay met ni sulisog caniac
Cas la maupay daytoy ricnac
Ngem umdas toy pammatic a mangpacsiat
Toy duduac ket talec ti maisucat

Added by

Administrator

SHARE

Your email address will not be published. Required fields are marked *

ADVERTISEMENT