LYRIC

TI SILAW

Ti silaw itan dimtengen
O cacabsat intay aracupen
Baggac ti agsapa ket lumtuaden
Arinaarna itan agraniagen

Ti timec ti evangelio
O cacabsat ibunannagtayo
Panagtutunos ti tattao

Ti Union Espiritista Cristiana
O cacabsat ibunannagna
Ti silaw nainlubongan a cappia
Isu’t manglawag cadatay amin a parsua

Ta insurat pay ni San Pablo
Apostoles ni Apo Jesu-Cristo
Evangelioi ti cappia’t surutentayo
Tapno intay maisalacan ti pungtot nga umayto

Ta dandanin ti panungpalan
Daytoy lubong nga intay pagnaedan
O cacabsat aracupentay ti silaw
A mangibagnos ken mangiwanwan

Coro:
Isu’t gapuna nga intay denggen
Ti pammalacad ti nasantoan a Biblia
Ta itan umasidegen
Ti Mannubbot ket umayen

Added by

Administrator

SHARE

Your email address will not be published. Required fields are marked *

ADVERTISEMENT