LYRIC

TRUMPETA

Ket no ti trumpeta intayton mangngeggan
Isunto dayta ti pagilasinan
Ti yaay ni Apo Jesus ti sangalubungan
Ta isu ti aldaw a camaudianan

Coro:
No mangngeg (2x) tay ti trumpeta
Maummong (2x) amin a parsua
Isunto’t panamaglalasinna
Ti nalinteg ken adda basolna

Ket no dumtengto ti camaudianan nga aldaw
Dagiti managbasol ay-ayda pay
Ta indanto aglac-am ti apuy a dumardarang
Nalinteg isudanto’t magin-awaan

Gapuna nga aginggana’t di dumteng ti tiempo
Datay amin nacasaganatayo
Nga agtungpal cadagiti bilbilin ti Apo
Ket ni Jesus cadatay agrag-onto

Nagasatto ti tao inton umay ni Apo Jesus
Nga agaramid a sisusurot
Nga agtungpal cadagiti bilbilin ni Apo Dios
Ket gloria isunto’t inna magun-od

Added by

Administrator

SHARE

Your email address will not be published. Required fields are marked *

ADVERTISEMENT