LYRIC

UN-UNNOY KEN APO DIOS

O Ama a nailangitan
Jesus a casam-itan
Espiritu Santo a caraniagan
Denggem cad Apo toy incam yararaw

O Jesus nga incam camangan
Espiritu Santo nga taclin ken silaw
Itinnagannacami Apo iti graciam
Tapno ti paltiingmo incan maawatan

Coro:
Tunggal oras yalikakanacam
Ti amin nga incam pagpeggadan
O Ama pusomi’t maducotan
Gapu cadagiti pacdaar a nadiosan

No keddengmo O Apo nga Dios
Awan macasalungasing ta nakemmo ngarud
Gapu cadagiti aramidmi a biddut
Dusa ti basbasolmi Apo a nabantot

O Ama innacamto cad taliawen
Inton oras dumanon a keddeng
Dacamto coma Apo ti laglagipem
Ta innacamto coma Apo aclonen

O Apo agparintumengcami
Nga agdawdawat ti dackel a caasi
Cadagiti peggad isalacannacami
Gapu ken Jesus a Maestromi

Ket inton madanon dayta nga aldaw
Awan macaammo uray siasinoman
Ni Cristo ti tulongmi nga agbiag
Agingga ken patay gloriana’t incam maragpat

Added by

Administrator

SHARE

Your email address will not be published. Required fields are marked *

ADVERTISEMENT