LYRIC
BANAG TI MISSONEROS
O dacayo dagiti napili
A naibaon ditoy daga nga ili
Immaycayo a makipagdaydayaw
Iti Ama a nailangitan
Dacayo dagiti natudingan
President ken secretarya
Officiales ken dadduma pay
Dacayo dagiti natudingan
Dicam immay nga agpangato
No di ket immaycam makisinnuro
Castacay met ditoy nga disso
Naayat a makisinnuro
Banbantay nga agcacangato
Ti anusan dagiti missioneros
Pagamuan macadanunto
Iti ragsacda ken rag-o
No cayatyo a maammuan
Ti rigat dagiti missioneros
Bisin, puyat iturtureddanto
Sadanto macadanon ti disso
Casta gayam ti agsursuro
Ti nasantoan a bilin ti Apo
Anus, rigat iturturedtayo
Ngem dackel ti gungunatayo
Dicayto met agpabpabayad
Ti inawatyo nga awan bayad
Ta dackelto met ti rangcap
Nga ited ti dios a nawadwad
Dicay to met maallilaw
Cadagiti umay cadacayo a mangallilaw
Tapno dicayto met mapucaw
No umay cadacay ti mangallilaw
Dicayto met masairo
Cadagiti buybuyaen dagiti matayo
Tapno dicayto maiculbo
Ti apuy sadiay infierno
Gapuna nga anusantayo
Ti nacapuy ngem datayo
Tapno addanto sumaruno
No madanon iti tiempo
No comments yet