LYRIC
PANAGBURAS 2
Ti tiempo nga innac panagburas
Cadagiti luglugar nga mangiwarnac
Ket itan urnongec nga lasinen ida
Ta immay ti bilin natungpal
Impadto ni Joel a Propeta
O napusacsac nga arinaar ni Ama
A naiccan ti tanda ti lawagda
Dagiti burasec nga itedco kenca
Cas ti aldaw a ni Santo a Noe
A nacatungpal Ama ti cari
Adda met senial nga intedmo idi
Ulidan dagiti addaan pammati
Ngem isuda’t idatonco kenca
Ta isunto’t subadam coma, Ama
Ti nawadwad coma a graciam
Cadagiti isuamin a parsuam
Incari ti langit nga Santo
Awatentay ti parabur ti Apo
Idi ken ita agdama a siglo
Nga isu’t ibucbuc mo coma Apo
No comments yet