RUNAWEN

Coro:
Runawem ti sakit Diosco
Casta met ti elementos
Aramidem a mangaclolo
Dagiti Espiritismo

Dios nga puon dagiti parsuam
Pigsam ti awan pumada
Kiredna ti itedmo Ama
Toy rigatda nga agdama

Un-unnoyco ti ipangagmo
Cadagitoy nga isasaclangco
Ta sinukirco ti lintegmo
Icaric ti panagtungpalco

Caasiannac O Manangngaasi
Ta sica ti Dios nga Ari
Ta daytoy nga ipacacaasi
Abakenna iti cabusromi

Iccannacman iti bunga
Nga magun-odac O Ama
Ta tumangadac kenca
Malac-amac coma iti gracia

Casta’t biag ti tao Ama
A madusa itoy a didigra
Mapabaroda met coma
Mapunas met ti kinadakesda

Tapno ti ayatmo ti umadani
Casta met a mapasudi
Ken toy lubong umadani
Ti yaasidegna kenca O Diosmi

Tapno umanayen cadacami
Ti panagarim Diosmi nga Ari
Ta dawdawatenmi kenca Amami
Dawatenmi ti aldaw ken rabii

Maanusac coma toy rigatco
Nga bunga toy tuocco
Casta met dagiti tattao
Tapno magun-odac ti ayatmo

Nauneg dagiti misteriom
Ta ti sakit mangpalinteg
No makalipatda kenca O Dios
Tattaom coma ti agtulnog

No natantan ti pannagnada
Ket agtactacda O Ama
Dagus a papardasem ida
Ket itedmo daytoy a pwersa

Ta pucanem a di sumina
Ti cayo a di agbunga
Alaem met ti bimmunga
Ta makipaggianda met kenca

Ti awan bungana ibellengmo
Iti Dios naiddep nga urno
Ti nagbunga mairanudto
Ti nasantoan a raniagmo

Linisam toy bubon Diosco
Cadagiti naimbag a fluedos
Ti igges a mangirubo
Patayem coma ta ibellengmo

Tapno di maan-ano
Toy bagina isu ti matagibi
Gapu ti panagbabawina kenca
O Diosmi a manangngaasi

Added by

RUNAWEN