LYRIC
TERSERA LUNES
Dacayo nga annacco
Nga agtungpal ti bilbilinco
Agregta agrag-ocayo
Ta isu’t maudi a panangrabii ti Apo
Masapul ngarud nga agdaluscayo
Cadagiti isu amin a nagbasolanyo
Ta daytoy ti panagbuggoyo
Camaudianan nga aldaw ti Apo
Ta incayo imatangan
Ti conferencia ti Espiritu
Ta adda cadacayo ti macapudno
Ita nga oras masagrapyonto
Coro:
Ala annac agmaymaysacayo
A surutenyo ti dalan ti kinapudno
Ti camaudianan nga aldaw masagrapyonto
Ti gungunayo sadi ngato
Ta dacayo ti templo a sibibiag
Cas trumpeta ti Espiritu
Ta amin a padto matungpalto
Ket adda itan maidaldalancayo
Ikatenyo coma ti kinasuir
Ikawesyo coma ti bilbilin ti Apo
Tapno ti casta incayto maamoan
Ti pudno a pacaisalacanan
Daytoy annac ti camaudianan
A panagturay ti Espiritu
Agregta agrag-ocayo
Tapno masurotyo ti dalan ti Apo
No comments yet