LYRIC

INTON UMAY TI DIOS

Inton umay ti Dios ditoy rabaw ti daga
Umaynanto bisitaen dagiti mulmula
Inton makitana dagiti bungbungana
Adu nga marisda a nadumaduma

Ket no ti cayo nga awan maibungana
Mapucan ta casta iti rebbengna
Casta’t pagbanagan ti tao ditoy daga
No saan nga agtungpal ti bilbilinna

Coro:
O cacabsat agriingcay itan
Ta asidegen ti iyaayna
Ti Dios Apo a Namarsua ditoy daga
Agpardascay ngarud itan
Nga agtungpal ti bilbilinna
Ta intayto makicadua idiay kencuana

No ti caycayo a dinaldalusanna
Isu dayta ti mangted ti adu a bunga
Casta ti tao nga agtungpal ti bilbilinna
Adunto ti ragsac a lac-amenna

Dicay esseman ti sanicua ditoy daga
Ta isu dayta ti mangilunod ti cararua
Inton agunida dagiti trumpetasna
Dagiti angeles ipacdaarda

Added by

Administrator

SHARE

Your email address will not be published. Required fields are marked *

ADVERTISEMENT