LYRIC

NAYANAC NI JESUS

Nayanac ni Jesus a Mannacabalin
Idiay daga ti Judea, ili ti Bethlehem
Naipaidda’t culluong, nabungon ti lampin
Nanumo a camarin ti baka ken calding

Nayanac ngarud ni Jesus a tuladen
Inturedna’t tuoc isu met a lac-amen
Ti panangituredtayo isu ti catimbeng
Aramid a naimbag lawag daydiay a bituen

Nayanac ngarud ni Jesus a nagasat
Lugar nga aw-away nanumo a saad
Naglac-am ti lam-ec ken adu a rigat
Idagusda coma ngem awan pay mayat

Nagrigat piman ti inna nagpasaran
Ta nasipnget idi inda impasngay
Naasi iti Dios inna impaayan
Ti maysa a bituen nga isu’t nangsilaw

Bituen a naraniag limgac idiay daya
Ulwanan ni Jesus isu’t binatuganna
Dagiti mamasirib a taga daya
Napanda a dagus ket nagdaydayawda

Added by

Administrator

SHARE

Your email address will not be published. Required fields are marked *

ADVERTISEMENT