LYRIC

O DACAYO NGA ANNAC

O dacayo nga annac
Nga sumursurot ti pagayatac
Agpuyatcay nga agsalucag
Tapno mailisicay iti peggad

Magnacayo nga agtitimpuyog
Agmaymaysacayo a sidadalus
Birukenyo daydi ubbog
Ti danum ken darac a naibucboc

Coro:
O annac a naregta
Sapulenyo man ida
Daydi dalanco a dicay agpatingga
Nga agturong sadi gloria

Rebbengyo nga anusan
Rebbengyo ti agtungpal
Ta casta’t innac naglabasan
Nga agtungpal agingga ken patay

Surutenyo ket dicay agkitakit
Daydi darac a naiwaris
Gapu’t nalac-amanyo a pannaplit
Iti natarumawis a sisiit

Gapu’t dagsenna ken bantot
Daydi naipabaclay caniac a cruz
Di rupac a naigusugus
Iti daga ken iti met tapoc

Surutenyo a dicay sinaan
Di dalanco nga innac naglasatan
Nga isu ti nacaibucbocan
Ti darac gapu’t basol sangalubungan

Added by

Administrator

SHARE

Your email address will not be published. Required fields are marked *

ADVERTISEMENT