LYRIC

PACAISALACANAN

Pacaisalacanan dardarepdepen
Cas maysa a mula a tartaripatoen
Paggibusan ti isip no panpanunoten
Yarig ti siba nga umay mangdadael

Ti siba a naranggas dagus la nga umay
No ti mula ket ditay maaywanan
Casta ti pammati no intay mabaybay-an
Mapucaw ti naimbag a pacaisalacanan

Coro:
Agawaantay ngarud ni Jesus ti camang
Ta isu ti Mannubbot a pacaisalacanan
Ta amin nga aramid intay itaclin
Ta isu ti matalec ken Mannacabalin

Ta isu’t naibaon a dalan ti cappia
A mangidalan cadatay a parsua
Ti Espiritu Santo ti pannacabalinna
A mangidalan ken manangliwliwa

Ti di matucod nga ayat ni Apo Jesus
A mangbanbantay cadagiti panpanunot
Ta cayatnatay a di umannugot
Ti pannacabalin ti pannacasulisog

Ti pannacasulisog isu’t salungasing
No ti bilin ni Apo Dios ket ditay tungpalen
Ti pannacaisalacan saan pay a dimteng
Dagiti basbasoltayo innatayto sapulen

Added by

Administrator

SHARE

Your email address will not be published. Required fields are marked *

ADVERTISEMENT

VIDEO